“>

“>

(یہ پوسٹ پُرانی ہے اور پِچھلے سال میں اُردُو ٹیک کی پوسٹس میں شامِل تھی آج کے حالات کو دیکھتے ہُوئے دِل اندر ہی اندر جہاں بہُت ڈرا ہُوا ہے وہیں زور دُعاؤں پر ہونے کے ساتھ ساتھ کُچھ نا کر پاتے ہُوئے بھی کر نے کو دِل کرتا ہے ایسے میں پیارے وطن کے لِئے شاید یہی کر سکتی ہُوں)

اگست کا مہينہ آگيا اللہ تعاليٰ ہم سب کو اِس کی برکتوں سے فيضياب ہونے کی توفيق دے ،آمين
ايک وقت تھا ہم سارا سال عيدين کی طرح چودہ اگست کا اِنتِظار کيا کرتے تھے ابھی بھی کرتے ہيں ليکِن جيسے وقت گُزرنے کے بعد ہر چيز ہر بات بہُت اچھی لگتی ہے آج مُجھے وُہ وقت ياد آرہا ہے جب چودہ اگست کے آنے سے پہلے امّی ہمارے لِۓ عيدوں کی طرح کپڑے سِلوايا کرتی تھيں سبز دوپٹے اور سفيد سُوٹ يا کبھی سُوٹ سبز اور سفيد سبز رنگوں والا خُوبصُورت دوپٹہ ،گھر ميں اور گلي ميں بھي خُوب ساري جھنڈياں اور گھر کی چھت پر بھائ بڑا سا جھنڈا لگاتے تھے ہر سال اگست کے مہينے ميں بارِشيں ہوتی ہيں اکثر ہماری ساری مِحنت بارِش کی نزر ہوجايا کرتی تھی ليکِن ہم پِھر بھی اگلے سال يہ ساری مِحنت اُسی ذوق و شوق سے کيا کرتے تھے ،سبز سفيد سُوٹ اور ہم رنگ چُوڑياں پہنے اِدھر اُدھر مٹکتے ہُوۓ اکلوتے ٹی وی چينل پی ٹی وی سے اپنے من پسند پروگرام ديکھتے ہُوۓ مزہ کيا کرتے تھے اِسلام آباد سے آتی براہِ راست پريڈ اور مِلّی نغمے سُننے کے دوران امّی کے ہاتھوں کے بنے ہُوۓ سپيشل کھانوں کا لُطف اُٹھاتے دِن گُزرنے کا پتہ بھی نہيں چلتا تھا تين چار سال پہلے کوئ دس سالوں کے بعد اگست ميں ہم لوگ پاکِستان گۓ اور چودہ اگست وہيں منايا منظر کُچھ کُچھ ويسا ہی تھا ليکِن حالات بدل چُکے تھے ابُو کی خاص سيٹ خالی تھی اور اب ابُو کے پوتے پوتياں اپنے حِساب سے اُچھل کُود مچا رہے تھے چھوٹے بھائ جو کبھی خُود ضِد کر کے ابُو سے جھنڈے اور جھنڈيوں کے لِۓ پيسے ليا کرتے تھا آج خُود اپنے بچوں ميں پيسے بھی تقسيم کر رہے تھے سب سے چھوٹے بھائ کے اِرد گِرد سب بچے اِکٹھا تھے چاچُو ميرا سٹِکر کہاں ہے جھنڈے والا يہ بيج ٹھيک نہيں ہے مُجھے دُوسرا والا چاہيئے آپ نے اُس کو زيادہ بيجِز دے دِۓ مُجھے بھی اُتنے ہی چاہيئں بھابھياں کھانوں کا اِہتمام کر رہی تھيں اور ميں آنکھوں ميں گُزرے وقتوں کی يادوں کے ساتھ اُن جانے والوں کو ياد کر رہی تھی جو اپنے حِصّے کے کام اور خُوشياں بٹور کر جا چُکے تھے کيسے چلتے رہتے ہيں يہ سِلسِلے ايک کے بعد ايک کہ وقت کا ايک کام بہُت اچھا ہے يہ ہر حال ميں گُزرتا رہتا ہے ہاں اپنے پيچھے آنے والی نسلوں کے لِۓ کوئ نۓ کام کرنے جوگے چھوڑ جاتے ہيں تو کيا ہم وُہ کام کر رہے ہيں جو ہمارے بزُرگوں نے يا پاکِستان بناتے وقت جو خُوشياں ،جو خواب ديکھے تھے کيا ہم اُن خوابوں کو تہس نہس کرنے والے بن گۓ ہيں ؟ايک کے بعد ايک ايسی دُکھ بھری خبر ، مارے جانے والوں کا دُکھ منانے کو پيچھے رہ جانے والے جو ہميشہ نہيں تو اکثر بے قصُور ہوتے ہيں مرنے والے جو ہميشہ نہيں تو اکثر عام اور عوام ہي ہُوا کرتے ہيں کہ خواص تو بھاگنے ميں اپنا ثاني نہيں رکھتے کھا پي کر ڈکار لِۓ بغير اپنا حق سمجھ کر سب کُچھ وصُولتے ہيں اور جو پہلے سے ہي باہر ہيں وُہ واپس آکر اپنا حِصّہ اِس بندر بانٹ ميں تلاش رہے ہيں ايسے ميں ہم کيا صِرف دِن منانے جوگے ہی رہ گۓ ہيں ہر دِن کو ايک الگ ڈھنگ سے صِرف اپنے حِساب سے منانے والے ،ورنہ جو اور جيسے حالات ہمارے ہو چُکے ہيں وُہ تو ہميں ايسے کِسی دِن کو منانے کی اِجازت بھی نہيں ديتے جِن ميں ايسی نا اِتفاقيوں ،تکليفوں اور دوہرے معياروں والے رويوں کا ايک ايسا زہر پنپ رہا ہے جو ہميں مِن حيثُ القوم ہو کر جينے بھی نہيں دے رہا ضياءُ الحق نے اور جو کُچھ بھی کيا ليکِن ايک اچھا کام کيا کہ پُوری قوم ايک وقت ميں خواہ نام کو ہی سہی ،دِکھاوے کو ہی سہی ايک آواز ہو جاتے ہيں کاش کہ ہم صِرف ايک آواز نہيں ايک دِل ہو کر اپنے مُلک کے لِۓ سوچيں

(اگست کا مہينہ پِھرآگيا اللہ تعاليٰ ہم سب کو اِس کی برکتوں سے فيضياب ہونے کی توفيق دے ،آمين )ہميں ہر حال ميں اپنے مُلک کو بچانا ہے کہ مُلک ہے تو ہم ہيں ہمارے نا ہونے سے مُلک کو کُچھ نہيں ہونے والا ،خُدانخواستہ مُلک نا رہا تو ہم کِس کو اپنا کہيں گے دُعا کريں کہ ہماری يہ شناخت برقرار رہے ميری طرف سے آپ سب کو جشنِ آزادی مُبارک ہو، پاکِستان کی باسٹھويں سالگِرہ آپ سب کو مُبارک ہو